العريس الصينى منقول

عرض مغري لكل بنت عربية نفسها تتزوج وبتنام ودموعها علي خدها لمجرد انها مش جميلة بمقاييس الشباب وطبعا هي زي القمر بس هم الي معندهمش نظر ...



من النهاردة مافيش دموع



وتحدي



مع العريس الصيني حنحل أزمة العنوسة مش كده وبس لأ حنحل مشكلة الطلاق لان كل واحد في إيده ست حيعرف قيمتها وحيخاف يزعلها ماهو عارف أخرتها


مع العريس الصيني


تقدري حببتي تبرمجيه زي ما انتي عايزة متسبيش نفسك في حاجة



كل الكلام الحلو اللي كنتي تتمني تسمعيه دلوقتي تقدري تسمعيه ومش حلم لا حقيقة


العريس الصيني




وداعا للمشاكل والتحكمات وداعا للخناق بدون سبب



العريس الصيني



مبرمج علي العادات العربية



يعني بيجي معاه الشبكة اللي انتي عيزاها ما انتي حتدفعي يابنتي وكله بتمنه



العريس الصيني



من غير أم ولا أب



يعني مش حتلاقي واحد بتمصمص شفايفها وتقولك الا أنتي ليه لحد دلوقتي متجوزتيش ولا تقولك انتي مالك معصعصة ليه هو أنتي أهلك مش بياكلوكي



وطبعا العريس الصيني عريس مش بتاع مامي لا ده عريس خالص مخلص يابنتي



مع العريس الصيني


حتتضمني أنك تاكلي ومحدش ياخد الاكل من قدامك ولا يقولك كفاية بقيتي نص فيل



العريس الصيني


بيشتغل اي عمل تتمنيه



انتي بس تدوسي ع الزرار الخاص بالعمل اللي تتمنيه ومن غير نقاش حيبدء في العمل فورا



العريس الصيني




عمرك ما حتسمعي منه



ريحتك طبيخ ولا انتي شبه الغوريلا لانك اصلا مش حتطبخي وحتلاقي وقت تهتمي فيه بنفسك



مع العريس الصيني



ريموت التليفزيون دايما في إيديك مش حتلاقي اللي ينغص عليكي حياتك ويتفرج ع ماتشات الكورة المملة



العريس الصيني



مش حيجي يوم وينكد عليكي ويقولك حتجوز زوجة تانية ويقولك التعدد



العريس الصيني اخلاق



يعني مش حيشتمك أبدا ولايشتم اللي خلفوكي




العريس الصيني



عمره ما حيسيبك ويسهر مع أصحابه علي القهوة لان اصحابه كلهم زيه بيعملو عمل انساني جليل



وهو انقاذ بنات جيل من العنوسة والاكتئاب



العريس الصيني



بيجي معاه اطفال صغيرين هما في الاصل ولادك تختاريهم بنات تختاريهم ولاد انتي حرة



بس نصيحة اختاري ولاد يكبرو في عزك وعلي ايديك وبعد كده تبيعيهم وتكسبي



مع العريس الصيني



مافيش قطع غيار لانك ممكن بكل بساطة ترميه ولا حتي تتبرعي بيه للجمعيات الاهليه وتشتري واحد جديد



العريس الصيني



مش مضطرة تشتغلي وتصرفي ع البيه لا لالالالالالالا فلوسك كلها ليكي



يدوبك تمن العريس و مصاريف الشحن




العريس الصيني




فيه منه ألوان كتير لأ



والمفاجأة



انك ممكن تغيري شكله ولون شعره وعينيه



يعني انتي متجددة كل يوم مع العريس الصيني



مع العريس الصيني



حطلع عين كل الرجالة وساعتها حيباتو ودمعتهم علي خدهم



وحتسمعها من كل راجل



أنا اللي جبت ده كله لنفسي



و حيعرف قيمة بنات الناس سواء حلوة ولا وحشة وحيعرف عمل إيه فيهم ماهو حيجرب وحيدوق المرارة




اطلب الان العريي الصيني ومصاريف الشحن مجانا ....



لو عندك اخت اطلبي عريسين وتلاقو الثالث مجانا ( ممكن تديه هدية لصاحبتك هههه )